किती वाहसी, खुळ्या मना रे, ओझे सारे, भुतकाळाचे,

आठवणीचे, अपमानाचे, शल्याचे अन दुखावल्याचे,

खुशाल टाकुन दे सारे ते, म्हण तू आणि मुक्तमनाने,

उच्चरवाने, आनंदाने, ’ गंगार्पणमस्तु, सारे गंगार्पणमस्तु ।
.
.
आठव क्षण ते आनंदाचे, फुले झेलल्या धुंद मनाचे,

तरारल्या त्या अंकुराचे, मोहरलेल्या चैत्रबनाचे,

करून अलविदा पाचोळ्याला, म्हण तू आणि मुक्तमनाने,

उच्चरवाने, आनंदाने,’गंगार्पणमस्तु सारे, गंगार्पणमस्तु ’ ।
.
.
समईच्या त्या मंद प्रकाशी, देवघरातील प्रसन्नतेशी,

नाळ ही जुळता चिरंतनाशी, खंत कशाला हवी उराशी,

डंख विखारी फेकून देऊनी, म्हण तू आणि मुक्तमनाने,

उच्चरवाने, आनंदाने, ’गंगार्पणमस्तु, सारे गंगार्पणमस्तु ’ ।
.
.

(सौ. शैलजा शेवडे)
.

Comments

Post a Comment

Popular posts from this blog

मन गोकुळ हे

  मन गोकुळ हे, व्याकुळ गिरिधर, . घुमेल कधी रे बासरीचा स्वर? . भाव मनीचे, होतील, गोपी, . रस आनंद तू, हे मुरलीधर । . . .दिसेल कधी तव, सुमुख सुंदर , . .रेखियले मी चित्र निरंतर, . उत्कंठीत ही उमटे थरथर , . भाव मधुर हा, व्यापे अंतर | . . . मधुर, मधुर तव लीला मोहन, . मनात अविरत त्यांचे चिंतन, . कोण असे मी, काळ कोणता? .. युगायुगांचे, हे आकर्षण | . . . . (सौ. शैलजा शेवडे)
Read more
  प्रणाम तुज शारदे, ज्ञानदे, प्रणाम तुज शारदे, शुभ्रवसनावृता कमलिनी, सरस्वती ज्ञानदे, शारदे । -. तू शब्द कंठातला, तू अर्थ शब्दातला, आनंद अर्थातला, मूळ चारी वाणीचे । . तू नाद प्रणवातला, तू स्वरा तू चित्कला, वीणाधारिणी, जीवनी, आनंदघन बरसु दे । . तू ज्ञानियांचि निवृती, समाधीतून आकृती, परब्रह्माच्या स्वरुपा, साररूप जाणणे..! . खरचं, सरस्वती म्हणजे नेमकं काय? ती ज्ञान कला देणारी देवता आहे..हे माहित आहे..तिचे चित्र, मुर्ती पाहिल्यामुळे तिचं सगुण रुप माहित आहे. पण हे सगुण रुप, ज्या कल्पनेचं प्रतीक आहे, ती कल्पना नेमकी काय आहे? अभ्यास केल्यावर हे मिळालं.काव्यात स्फुरलं.. सरस्वती कंठातला शब्द आहे. शब्दातला अर्थ , अर्थातला आनंद.. म्हणजे सरस्वती...! प्रणवातला, ओंकारातला नाद म्हणजे सरस्वती...! कलेची प्रेरणा, कलेतला आनंद म्हणजे सरस्वती....! परब्रह्म म्हणजे नेमकं काय? जे ज्ञानी लोकांना समाधी अवस्थेत जाणवलं, ते वर्णन कसे करणार? पण त्याचं सार आपल्या सामान्य लोकांसाठी देणं जिच्यामुळे शक्य झालं, ती सरस्वती....! तिचं सगुण रूपही किती विलोभनीय आहे...! ती शुभ्रा आहे, ती शुभ्रवसना आहे, ती वीणा्धारिणी आहे....
Read more

कसा आहे गं तो?

Image
  'कसा आहे गं तो?' तिनं आपल्या जिवलग मैत्रिणीला विचारलं. नियतीच्या एका फटका-याने, परक्या झालेल्या आपल्या प्रियकराबद्दल, ती नववधू विचारत होती. 'जाऊ दे ना तो विषय..' मैत्रिण तिला त्याच्या विचारातून, बाहेर काढू पहात होती. 'प्लीज...सांग ना गं..' तिच्या अश्रूत मैत्रिण विरघळली. 'अगं, काय सांगायचं? तुझं लग्न ठरलेलं कळल्यापासून, तो बिथरलायं..जेवत नाही..खात नाही.. कुणाशी बोलत नाही.. आजकाल तर तो दारूही पिऊ लागलायं...! ' ती कळवळली... माझ्यामुळे त्याच्या आयुष्याचं मातेरं होतयं. नियतीवर राग म्हणून ती संन्यस्त बनली. गुलाबाच्या शय्येचंही सुख तिनं घेतलं नाही. .................................................. .................... 'आता कसा आहे गं तो?' खूप वर्षांनी भेटलेल्या मैत्रिणीला तिनं विचारलं. 'तो? मस्त मजेत आहे... तुझं लग्न झाल्यावर त्यानंही लगेच लग्न केलं. संसारात रमलायं. परवा तर कसलासा पुरस्कारही मिळाला त्याला.. त्याने त्याच्या बायकोला तो अर्पण केला. 'बायकोमुळे मी हे यश मिळवलेयं........' टी.व्ही.वरच्या मुलाखतीत तो म्हणला.' त्याचं जाऊ दे..त...
Read more