सावली

सावली

 कधी ती त्याच्या पायाशी असायची,

कधी पुढे तर कधी मागे,

कधी लहान होवून,तर कधी मोठी बनून,

त्याच्या पुढे मागे असायची,

एकदा तर रात्रीच्या वेळी,

ती खूप भीतीदायक वाटली,

नकोशी वाटली,

तो पळू लागला,

तिचा तिरस्कार करू लागला,

तेव्हा त्याची सावली,

खिन्नपणे हसून त्याला म्हणाली,

"मी कशी दिसणं, हे तर फक्त,

प्रकाशकिरणांचे खेळ आहेत,

सत्य हे आहे,

मी तुझी आहे.

माझ्यापासून दूर जाणे,

केवळ अशक्यच आहे."

सौ. शैलजा शेवडे