सुंदर हो जगणार....

कोसळू दे आकाश धरेवर,

खुशाल येवो प्रलय भयंकर,

भिती दाखवो, वादळवारे,

लुप्त होवू दे, नभीचे तारे,

जीवनगाणे तरीही, आम्ही आनंदे गाणार,

सुंदर हो जगणार, आम्ही सुंदर हो जगणार ।

जीवन भासे कधी नंदनवन,

असेल कधी ते जरी रणकंदन,

माणसातल्या देवपणाची,खात्री ती धरणार,

सुंदर हो जगणार, आम्ही सुंदर हो जगणार ।

कितीही आल्या जरी अडचणी,

मार्ग काढू हो, तरी त्यातूनी,

तो पाठीशी राम उभा जर,

भीती कसली असणार?

सुंदर हो जगणार, आम्ही सुंदर हो जगणार ।

(सौ शैलजा शेवडे)