कशासाठी....

लढायाचे, मनाशीही, जनाशीही, कशासाठी?
सुखाच्या त्या, तरी गोष्टी, रचायाच्या कशासाठी?
नकाराचे, अभावाचे, उतारे हे, जरी हाती,
चितारावे, विनोदाचे, फवारे ते, कशासाठी?

हिशोबाच्या उठाठेवी, जमा नाही, कुठे काही,
वह्या सा-या, रकान्यांनी, भरायाच्या कशासाठी?

विझू जाती, दिवे सारे, भिती दाटे, उरी पोटी,
झरोक्याला, प्रकाशाच्या, हसायाचे, कशासाठी?

खुडायाच्या कळ्या सा-या, मुक्या त्याही, पुजेसाठी,
जरा कोठे, दुखे काही, रडायाचे, कशासाठी?

जुन्या रेशीम धाग्याला, मना ठावे किती गाठी
तरी गुंतायचे पुन्हा, झुरायाचे, कशासाठी?

(सौ. शैलजा शेवडे)