घटाघटामध्ये राम विराजे

प्रतीकांमध्ये किती अडकसी, ठोठवसी रे, किती दरवाजे,
समजेल कधी तुज, खुळ्या मना रे, घटाघटामध्ये, राम विराजे ।

राघववेळी, शकुनसावली, वा-यासंगे घुंगुर वाजे,
सावध होऊन ऐक जरा रे, घटाघटामध्ये, राम विराजे ।

शब्दारण्यी चकवा लागे, भटकत फिरता, पाऊल भाजे,
शोध तुझा हा व्यर्थ असे रे, घटाघटामध्ये, राम विराजे ।

बुध्दी तुझी ती चालत नाही, मान्य कराया मन हे लाजे,
अहंपणावीण विचार कर रे, घटाघटामध्ये, राम विराजे ।

जाणून घे रे, राम कसा तो, शब्दातील तो अर्थच साजे,
इथे राम, तो, तिथे राम रे, घटाघटातून राम विराजे ।

(सौ. शैलजा शेवडे)